Во следниот период според информациите на Спортска Мрежа ќе следува промоција на неколку тренери во Втората македонска фудбалска лига. Веќе се водат преговори на неколку екипи со неколку тренери.
Според нашите информации искусниот стратег Иван Варадиновски, кој со Детонит Плачковица пред една сезона играше бараж за влез во Првата лига и имаше неверојатна статистика која ретко кој би можел во иднина да ја сруши добива неколку понуди.
Варадиновски е на радарот на неколку екипи, па пред штипскиот стратег сега е период кога ќе треба да размислува што да бира и која екипа би ја превземал да ја води во новата сезона 2025/2026.
Предизвикот и за тренерите кои се без тренерски ангажман е голем, бидејќи поради кратењето на лигата од Втора во Трета лига ќе испаѓаат дури пет екипи директно, а три ќе играат бараж, а пак од Прва лига во Втора лига директно ќе испаѓаат три екипи, а две ќе играат бараж.
Варадиновски според нашите информации е подготвен за нов предизвик, каде би сакал да работи и со млада екипа и со млади играчи, надополнета со неколку искусни фудбалери, но останува да видиме во следниот период каде штипскиот стратег ќе ја продолжи својата кариера.
