Екипата на Фудбал Старс е шампион во Регионалната Југоисточна лига – петлиња, со одлична сезона зад себе и учинок од 17 победи и три порази за 51 бод вреден шампионски пехар.
Тимот од Кочани имаше фантастична сезона со еден од најефикасните напади кој реализирал 69 погодоци и убедливо најдобра одбрана со примени само 19 погодоци, со тоа шампионот има најдобра позитивна гол разлика од +50.
На второто место заврши Победа од Валандово со 48 бодови, потоа следува Рудар од Пробиштип со 43 бодови, а пак на четвртото место е Мал Ајакс Вардар со 42 бодови на своето конто.
Штипска Брегалница сезоната ја заврши на петтото место со 38 бодови, потоа следува Брера Струмица со 31 бод, Беласица е седма со 25 бодови, велешка Тополка е осма со 17 бодови, Овче Поле е деветти со 13 бодови, тимот на Јанг Бојс е претпоследен односно десетти со 10 бодови, а пак Атлетико 2021 е последен со седум бодови.
За Фудбал Старс и за градот Кочани ова е голем успех, а тимот работи и тренира на теренот во Горни Подлог, а тренери се Симо Митев, Дени Манчовски, Игор Данилов и Јоце Паунов.
Дополнително најдобриот стрелец во лигата со постигнати 33 погодоци доаѓа од шампионската екипа на Фудбал Старс, тоа е талентот Филип Митев.
- ЦЕЛА ТАБЕЛА РЕГИОНАЛНА ЈУГОИСТОЧНА ЛИГА – ПЕТЛИЊА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК Фудбал Старс | 20 | 17 | 0 | 3 | 69 | 19 | 50 | 51 |
| 2 | ФК Победа Валандово | 20 | 16 | 0 | 4 | 63 | 32 | 31 | 48 |
| 3 | ФК Рудар 1947 Пробиштип | 20 | 14 | 1 | 5 | 79 | 30 | 49 | 43 |
| 4 | ФК Мал Ајакс-Вардар | 20 | 14 | 0 | 6 | 54 | 35 | 19 | 42 |
| 5 | ФК Брегалница 2008 АД | 20 | 12 | 2 | 6 | 70 | 36 | 34 | 38 |
| 6 | ФК АП Брера Струмица АД | 20 | 10 | 1 | 9 | 70 | 44 | 26 | 31 |
| 7 | ФК Беласица АД | 20 | 8 | 1 | 11 | 50 | 59 | -9 | 25 |
| 8 | ФК Тополка | 20 | 5 | 2 | 13 | 31 | 59 | -28 | 17 |
| 9 | ЗС Овче Поле | 20 | 4 | 1 | 15 | 16 | 67 | -51 | 13 |
| 10 | ФК Јанг Бојс | 20 | 3 | 1 | 16 | 24 | 75 | -51 | 10 |
| 11 | ФК Атлетико 2021 | 20 | 2 | 1 | 17 | 24 | 94 | -70 | 7 |
- ЛИСТА НА НАЈДОБРИ СТРЕЛЦИ РЕГИОНАЛНА ЈУГОИСТОЧНА ЛИГА – ПЕТЛИЊА:
| Поз. | Име и презиме | Клуб | Голови |
|---|---|---|---|
| 1 | Митев Филип | ФК Фудбал Старс | 33 |
| 2 | Петков Драган | ФК Победа Валандово | 31 |
| 3 | Василевски Душан | ФК Рудар 1947 Пробиштип | 23 |
| 4 | Борчевски Матеј | ФК Рудар 1947 Пробиштип | 18 |
| 5 | Стоилов Драган | ФК АП Брера Струмица АД | 16 |
| 6 | Јашаров Џевџет | ФК Брегалница 2008 АД | 15 |
| 7 | Николов Никола | ФК Мал Ајакс-Вардар | 14 |
| 8 | Сајов Христијан | ФК Мал Ајакс-Вардар | 12 |
| 9 | Димитров Петар | ФК Брегалница 2008 АД | 11 |
