Јавното претпријатие „Билјанини Извори“ од Охрид успешно ја заврши реконструкцијата на дел од оградата и трибината на фудбалскиот терен со вештачка трева, како дел од континуираните активности за унапредување на спортската инфраструктура во градот.
Во рамките на проектот беа поставени нови елементи кои овозможуваат подобра безбедност и комфор за спортистите и гледачите, додека трибината доби нови седишта и значително зајакната стабилност.
Оваа реконструкција е само дел од пошироката иницијатива за модернизација на спортските капацитети во Охрид. Во изминатиот период беше инсталирано и ново теренско осветлување, кое овозможува одржување на натпревари и тренинзи и во вечерните часови, што значително го подобрува квалитетот на спортските активности.
Со овие вложувања, „Билјанини Извори“ го потврдува својот ангажман за создавање современи и функционални спортски простори, достапни за сите љубители на спортот во Охрид. Инвестициите ќе продолжат и во наредниот период, со цел Охрид да добие инфраструктура достојна за домашни и меѓународни спортски настани.
