Ракомет

ВИДЕО: Радовиш го доби „жешкиот“ меч со Прилеп и останува во Суперлигата!

Сподели
ФОТО: Александар Ванев, Спортска Мрежа | Забрането превземање!
Сподели

Радовиш го доби „жешкиот“ натпревар со Прилеп во СРЦ „25 Мај“ со резултат од 32:31, а тоа предизвика големо славје во салата на играчи, публиката и верните „Лебари“ кои во текот на целиот меч грмеа во еден глас за Радовиш.

Натпреварот започна со играта гол за гол и менување на водството во обид и на двете екипи да изградата посериозна предност со која би го диктирале натпреварот односно резултатот.

Во шестата минута од мечот Радовиш дојде до два гола предност при 5:3, а потоа Прилеп направи серија од 0-3 за водство од 5:6. Продолжи играта гол за гол и по 15-тина минути игра со менување на водството. Голманот на Радовиш, Кристијан Костадиновски забележа неколку одбрани, а клучна имаше во 17. минута кога Радовиш дојде до водство од 9:8.

Радовишани дојдоа до нови плус два при 12:10 во 20. минута од мечот и се обидуваа да изграда посериозна предност. Шипинковски по стартот на Трајчевски доби директен црвен картон, а Постолов беше сигурен од седум метри за 12:10.

На две минути до крајот Радовиш имаше 17:14 за највисоки плус три, а потоа двете екипи не реализираа по два напади. На полувреме резултатот беше 17:15 откако Прилеп погоди од седум метри.

Стартот од вториот дел донесе неколку брзи погодоци, Прилеп правеше обиди да го израмни резултатот, но Радовиш ја одржуваше предност од два гола и по шест минути игра во вториот дел. Следуваше одлична серија на одбрани на голманот на Радовиш, Славјан Паунов, а потоа Постолов постигна одлично голчиште и Радовиш дојде до нови плус три при 23:20, а таквата атмосфера се загреа и со верните „Левари“ кои даваа силна поддршка од трибините заедно со радовишката јавност која беше во СРЦ „25 Мај“.

ФОТО: Александар Ванев, Спортска Мрежа | Забрането превземање!

Прилеп влезе во мини серија од два гола и намали на 23:22 со што се обидуваше да се врати резултатски и да го превземе водството, откако најпрво израмни на 24:24, но веднаш Радовиш поведе на 25:24.

Последните десети минути од мечот понудија голема неизвесност, а Прилеп стигна до прво водство во вториот дел кога имаше 26:27. Работите се промени во последни осум минути од средбата во СРЦ „25 Мај“ домашниот тим бркаше гол негатива, а откако успеа да израмни на 28:28, веднаш потоа дојде и до водство преку Постолов за 29:28.


На пет минути пред крајот Радовиш дојде до 30:29, а потоа Прилеп израмни на 30:30, а домашниот тим на минута и пол до крајот имаше играч помалку, а со тоа се отвори шанса повеќе за прилепчани, но сепак Радовиш беше помудар во последните секунди и го доби мечот со конечни 32:31.

Здравко Постолов имаше 13 гола за Радовиш, а пак Денис Шабановиќ десет гола за Прилеп

ФОТО: Александар Ванев, Спортска Мрежа | Забрането превземање!

Радовиш предводен од тренерите Спасе Ѓоргиев и Александар Долдуров останува во Суперлигата и следната сезона, додека пак Струга ќе се подготвува за баражот за опстанок.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Трета лигаФудбал

Влазерими го чува врвот совладувајќи ја убедливо Преспа, Кравари со седумка, осум гола во Демир Хисар

Влазерими со победа од 3:0 над Преспа ја задржа предноста од пет бода на врвот во Третата лига – Регион 5. Кравари го...

Трета лигаФудбал

Млекар се израдува на три бода, Борец со седум гола, Вардар со пресврт до 4:3, Питу Гули славеше со шестка

Борец го совлада Превалец со 7:2 во велешкиот дуел од 11. коло во Третата лига – Регион 4. Вардар Неготино со пресврт славеше...

Поврзани написи
Ракомет

Паунков: Победата над Струга ќе ни биде ветер во грб, нашата цел е сигурен опстанок

Синоќешната победа на Младост над Струга е силен ветер во грб за...

Ракомет

Лукиќ: Конечно ја пробивме таа психолошка бариера, победата ќе биде ветер во грб и за останатите натпревари

Младост конечно ја израдува верната публика откако во салата „Млаз“ ја доби...

Ракомет

Андоновски: Конечно успеавме да стигнеме до таа толку посакувана победа, како што бевме и ќе останеме сложни

Младост стигна до својата прва сезонска победа, откако на домашен терен славеше...

Ракомет

Зечевиќ: Покажавме карактер и стигнавме до плус 11 пред реваншот!

ГРК Охрид ја отвори вратата кон следната фаза од ЕХФ Европскиот Куп...

✕
error: Содржина е заштитена! Се забранува копирање на истата!