Вардар ја освои 17-тата титула во Купот на Македонија откако во финалето кое се играше во СРЦ „Билјанини Извори“ во Охрид го совлада Еурофарм Пелистер.
За МВП на завршниот Ф4 турнир во Охрид беше прогласен ракометарот на Вардар, Томислав Јагуриновски, кој за Спортска Мрежа вели дека е среќен што му помогнал на својот тим да ја освои титулата, притоа вели дека време за славење нема, зошто фокусот е на првенството и на освојување на шампионската титула, па така вардарци би имале уште една причина за радост на крајот од сезоната.
„Среќен сум што му помогнав на мојот тим да победиме и стигнеме до првото место. Јас секогаш се трудам да одиграм најдобро, но сакам и да им честитам на противниците за одличната игра. Исто така, сметам дека ние бевме помотивирани и повеќе го посакувавме трофејот од нив, и на крајот заслужено и победивме. Сепак, немаме многу време за славење, ни преостануваат уште два натпревари од Суперлигата, па искрено се надевам дека ќе имаме уште една причина за радост до крај на сезоната“, рече Јагуриновски за Спортска Мрежа.
Вардар сега со фокусот е на клучниот меч кој го игра со Еурофарм Пелистер на домашен терен и се надева на позитивен исход со цел да ја освои и шампионската титула.
