Речица и во следната сезона ќе игра во Првата женска фудбалска лига откако во баражот со убедливи 4:1 славеше над Вардар, со што скопскиот тим останува и следната сезона дел од Втората женска фудбалска лига.
Натпреварот го реши Емили Митковска откако 18 годишната фудбалерка беше стрелец на четирите погодоци и буквално сама го победи противникот во битката за опстанок.
Речица ќе биде дел од Првата лига и во следната сезона, а бараж мечот го доби убедливо. По само една минута игра Митковска ја стресе мрежата на Вардар за рано водство, а веднаш во седмата минута следуваше нов шок за Вардар откако Митковска со втор гол зголеми на 2:0.
Вардар се обидуваше да се консолидира после двата брзи гола на прволигашот и возврати преку искусната Теодора Јанковска во 26. минута и намали на 2:1, резултат со кој се замина на полувреме.
На стартот од вториот дел Верица Колевска капитулираше по третпат на својот гол, откако Митковска во 46. минута стрелаше за високи 3:1. Се обидуваше Вардар да се врати резултатски бараше ситуација за гол и да биде во игра, но печат на високата победа вредна опстанок во Првата лига стави Митковска со четврти гол во 76. минута за конечни 4:1.
18-годишната Митковска одигра фантастичен меч, буквално сама го победи Вардар и на нејзините крила Речица обезбеди опстанок во фудбалската елита на Македонија.
