Иако денес беа поразени во бараж натпреварите за Втората македонска фудбалска лига, тимовите на Големо Коњари, Преспа и Осогово сè уште не ги загубиле сите надежи. Ќе има втора шанса – но ќе зависи од среќата.
Фудбалската федерација на Македонија ќе организира ждрепка на која две од трите поразени екипи ќе бидат извлечени и ќе добијат директна промоција во Втората лига за сезоната 2025/2026. Само една екипа ќе остане кратка и ќе ја пропушти оваа дополнителна можност.
Големо Коњари беше блиску до успехот, но по голема драма против Тетекс и нерешен резултат од 2:2 во регуларниот дел, беа елиминирани по изведувањето на пенали. Преспа немаше одговор за расположената Слога Виница и беше поразена со убедливи 0:3, додека Осогово, и покрај солидната борба, загуби со 2:1 од Шкендија Арачиново.
Сега, сите очи се вперени кон ждрепката. Судбината на овие три клуба ќе ја одлучи еден обично ливче – но за нив, тоа ќе биде шанса да се вратат таму каде што веруваат дека припаѓаат – меѓу второлигашите.
