Фудбалската треска не стивнува во Враништа! Четири натпревари од новото коло понудија и службени резултати, но и спектакл на теренот – особено од екипата на Аце Најдески, која продолжува со доминантни настапи.
Во највпечатливиот меч за вечерта, Аце Најдески буквално го прегази Рент-а-кар Кико со убедливи 9:1, потврдувајќи ја улогата на еден од главните фаворити за висок пласман.
До рутински три бода стигна и Гостилница Кај Мече, која ја совлада Електро Промет со сигурни 5:0, покажувајќи зрелост и одлична реализација пред голот.
Јован 2014 и Сатеска пак, без да одиграат натпревар, дојдоа до службени победи со по 1:0 против Волино, односно ДООЕЛ Нануш 2015, кои не се појавија на теренот.
Како што одминуваат деновите, турнирот станува сѐ поинтересен, а фаворитите полека го зацврстуваат својот пат кон елиминациската фаза. Продолжуваме со уште понапнати дуели, борба за бодови и фудбалска магија под светлата на „Враништа 2025“!
Спортска Мрежа е медиумски покровител на турнирот “Враништа 2025”.
