Речица како прволигаш ќе бара опстанок, а пак Вардар како второлигаш ќе бара влез во Првата женска фудбалска лига.
Овие две екипи ќе се соочат во баражот за Првата женска фудбалска лига, а Фудбалската федерација на Македонија го определени теренот и датум кога истиот ќе се одигра.
Баражот меѓу Речица и Вардар за Првата женска фудбалска лига (ПЖФЛ) ќе се игра на теренот на Фудбалската федерација на Македонија (ФФМ) на 28 мај (среда) со почеток од 11 часот.
Минатата година Вардар исто така играше бараж против прволигашот Топ Гол, тогаш тимот од Битола беше убедлив над Вардар и така остана во Првата лига, а Вардар сега ќе има нова шанса да обезбеди историско учество во Првата лига.
Речица преку баражот ќе бара триумф и опстанок во Првата лига и за следната сезона.
Во следните денови ќе посветиме емисија од Спортска Анализа на Спортска Мрежа со детално претставување на двете екипи, преглед на играчки кадар, анализа на сезоната на двете екипи.
