Влегуваме во самиот финиш од сезоната во Првата женска фудбалска лига, а до крајот од сезоната остануваат уште две кола за комплетирање на истата, по што ќе остане да се одигра баражот за пополнување на елитата, а кој бараж ќе го играат Речица и второлигашот Вардар.
Во рамки на 25. коло екипата на Тиверија Брера со 3:1 славеше во дербито со Каменица Саса во Струмица. Со двата гола на Кристина Нафула во првиот дел екипата на Тиверија Брера имаше 2:0 на полувреме.
Во второто полувреме гостинот од Македонска Каменица преку Бразилката Туане Де Соуза Фрагосо „рударките“ намалија на 2:1 и со тоа се врати неизвесноста за бодовите. Сите дилеми ги реши Теона Галабовска во 81. минута кога погоди за конечните 3:1.
Речица однесе висока и убедлива победа од 1:4 над Атлетико во Битола, во меч каде Емили Митковска со хет-трик го реши натпреварот. Токму Митковска во 10. минута погоди за 0:1 и водство на Речица, а Анета Марковска во 36. минута постигна гол за 1:1 на полувреме.
Во вториот дел со два брзи гола во 50. и 55. минута на Митковска екипата на Речица дојде до 1:3. Веќе во 59. минута Теодора Настова заработи директен црвен картон, а гостинот остана со играч помалку на теренот, но и тоа не го искористи домаќинот.
Во 76. минута од мечот кој се играше на „Павел Шатев“ во Битола, Анѓела Петковска постигна гол за конечни 1:4.
По подолг период се одигра натпревар од Првата женска фудбалска лига на Градскиот стадион „Петар Милошевски“ во Битола, а на овој терен Истатов забележа побеад од 1:2 над домаќинот Топ Гол.
Резултатот беше отворен во 27. минута кога Ана Нешковска постигна гол за 0:1 на полувреме. Во вториот меч Михаела Марковска постигна гол во 75. минута за 1:1, а победникот беше решен во 82. минута, кога капитенката Кристина Петрушевска беше сигурна од белата точка за конечни 1:2.
Шампионот Љуботен забележа победа од 4:2 на домашен терен над Скопје. Александар Јовановска постигна гол по само шест минути игра за водство на домаќинот, а Рабија Дервиши во 22. минута израмни на 1:1. Во 32. минута Екатерина Фролова беше прецизна за 2:1 на полувреме. Стартот од вториот дел донесе брз гол за голгетерката Хава Мустафа која погоди во 48. минута, а во 52. минута Дервиши со нов гол намали на 3:1. Само минута беше потребно за Љуботен да зголеми на 4:2, откако Тања Малесија го постави конечниот резултат.
Екипата на Ас Јунајтед беше слободна во рамки на оваа коло.
Веќе во среда се игра вонредното 26. коло, кое ќе биде претпоследно коло, а викендот ќе биде одиграно последното 27. коло со што ќе заврши сезоната во ПЖФЛ, која ќе се комплетира со баражот.
