Екипата на Охрид во рамки на 7. коло од плеј-офот на ракометната Суперлига ќе гостува во Битола, каде ќе се соочи со актуелниот шампион Еурофарм Пелистер.
Голманот на Охрид, Даниел Ѓорѓески во ексклузивна изјава за Спортска Мрежа истакна дека натпреварот против шампионот ќе биде тежок, притоа додава дека се соочуваат со повредени играчи, но во Битола одат да се борат и да одиграат еден добар меч.
„Во сабота нè очекува еден тежок натпревар против екипата на Еурофарм Пелистер, на гостински терен. Ние максимално се подготвуваме за овој натпревар. Иако сè уште имаме проблеми со повредени играчи, не се предаваме и одиме во Битола да се бориме, да го дадеме својот максимум и да изиграме еден добар натпревар“, изјави Ѓорѓески за Спортска Мрежа.
Натпреварот меѓу Еурофарм Пелистер и Охрид се игра во спортската сала „Боро Чурлевски“ во Битола, со почеток од 18 часот. Судиска двојка ќе биде Ѓорѓи Начевски и Славе Николов од Скопје, а пак Славчо Каланоски од Струга ќе биде делегат на мечот.
