Делегирани судиите за седмото коло од плеј-офот и плеј-аутот на ракометната Суперлига.
Денес во просториите на Ракометната федерација на Македонија (РМФ) беа извлечени судиските парови.
Во петок со почеток од 18 часот ќе се соочат Варар и Бутел во салата „Антон Димитров“, каде судиска двојка ќе биде Димитар Митревски и Благојче Тодоровски од Битола, а делегат ќе биде Камер Металари од Скопје.
Ѓорѓи Начевски и Славе Николов од Скопје ќе го судат дербито меѓу Еурофарм Пелистер и Охрид, кое се игра во спортската сала „Боро Чурлевски“ во Битола, а делегат ќе биде Славчо Каланоски од Струга. Овој меч ќе се игра во сабота со почеток од 18 часот.
Натпреварот меѓу Тиквеш и Алкалоид е одложен за 28 мај, а ќе се игра во СЦ „Јасмин“ во Кавадарци. Овој меч ќе го судат Марија Илиева и Силвана Карбеска од Скопје, а делегати ќе бидат Драган Начевски од Скопје и Васил Чавдаров од Богданци.
Во рамки на 7. коло на плеј-аутот ќе се одиграат два од три натпревари, Радовиш ќе биде слободен бидејќи требаше да игра со Борец ФЛ кој е исфрлен од натпреварување.
Сабота од 12 часот ќе играат Куманово и Струга во кумановската сала „Перо Наков“, а судиска двојка ќе биде Ѓоко Колевски и Сашо Кркачев од Скопје, додека пак делегат на мечот ќе биде Владимир Саздовски од Скопје.
Во сабота со почеток од 18:30 часот во спортската сала „Македонско Сонце“ во Скопје, ќе се соочат Пролет и Прилеп. За судии делегирани се Исмаил Металари и Ненад Николовски од Скопје, а Лери Мически од Скопје ќе биде делегат на натпреварот.
