Во период од 13 до 15. септември во Берово се одржа големиот Меѓународен турнир во пинг понг „Зегин Опен 2024“ на кои учествуваат голем број на натпреварувачи од целиот свет.
Натпреварувачи во категорија ветерани, во апсолутна категорија мажи и жени, како и учество на млади натпреварувачи. Одлична организација, добри натпревари, многу публика, вкусна храна, Берово уште еднаш покажа дека е добар домаќин, одлична забава и голем концерт на музичката група „Некст Тајм“ на Градскиот плоштад во Берово со организиран превоз од сите околни населени места.
Спортска Мрежа беше медиумски покровител на овој спортски настан, а преку оваа емисија ви ја носиме атмосферата од „Зегин Опен 2024“ од натпреварите и разговорите со организаторите на натпреварувачите.
- ПОГЛЕДНЕТЕ ЈА ЦЕЛАТА ЕМИСИЈА НА СПОРТСКА МРЕЖА ЗА „ЗЕГИН ОПЕН 2024“:
Наградниот фонд на „Зегин Опен 2024“ беше 12.000 евра што го прави најголем и од аспект на организацијата и од аспект на наградниот фонд, не само во Македонија, туку и на целиот Балкан. Овој турнир од година во година станува се помасовен, а следното издание на „Зегин Опен 2025“ се очекува да биде најголемо во однос на претходните изданија.
