Екипата на Крива Паланка е вториот финалист на плеј-офот во женскиот кошаркарски шампионат на Македонија. Во третата пресметка од полуфиналната серија, кошаркарките од Крива Паланка доминираа и забележаа убедлива победа над Бадел 1862 со 80-55, за конечни 2-1 во серијата.
Со оваа победа, Крива Паланка за првпат во историјата на клубот обезбеди место во големото финале, каде ќе се соочи со актуелниот шампион, екипата на Баскет Кам, која претходно во два натпревари ја елиминираше МЗТ Скопје Аеродром.
Домашните кошаркарки имаа силен почеток, а веќе во првата четвртина го поставија темпото, обезбедувајќи предност од 25-9. На полувремето, разликата беше скоро двојна (40-21), а кога стана јасно дека Бадел 1862 нема сили за уште едно изненадување, конечниот резултат беше само потврда на доминацијата на Крива Паланка.
Робинсон беше најдобра во победничкиот тим со 28 поени, Меклејни со 19, а капитенката Алексовска постигна 13 поени. На спротивната страна, капитенката Маркоска заврши со 13 поени, додека Петрушевска постигна 10 поени.
Виолета Јанчева, Спортска Мрежа
