Македонскиот фудбалер Бобан Николов, играч на Борац Бања Лука, беше избран во тимот на 30. коло во босанскиот шампионат. Николов го заслужи своето место во идеалниот тим заедно со својот соиграч, Себастијан Херера.
Борац ја победи екипата на Вележ со минимални 1-0, а Николов му асистираше на Ѓорѓе Деспотовиќ, кој го постигна единствениот гол на натпреварот во 24. минута. И Колумбиецот Херера имаше забележителен настап, па двајцата играчи заслужено се најдоа во идеалниот тим на колото.
Тимот на Борац Бања Лука продолжува да се бори за шампионската титула со Зрињски, а до крајот на првенството остануваат уште три кола.
Виолета Јанчева, Спортска Мрежа
