Второлигашот Борец со пораз ја заврши сезоната во Втората женска фудбалска лига, откако на гостински терен загуби со 3:1 од дебитантот Слободен, па така велешкиот тим завршува на дното од табелата.
Веднаш по натпреварот од женскиот фудбалски клуб Борец истакнаа дека ќе поднесат жалба за арбитражата на судијката Александра Спасова.
„На денешниот натпревар помеѓу екипите на ЖФК Слободен и ЖФК Борец бевме сведоци на катастрофално судење од страна на судијката Александра Спасова од с. Мустафино, Свети Николе. Досудени беа 2 пенали за тимот на ЖФК Слободен и црвен картон за ЖФК Борец со што нанесе огромна штета на ЖФК Борец. ЖФК Борец ќе поднесе жалба до соодветните инстанци на Фудбалска Репрезентација на Македонија (ФФМ). До кога непрофесионални и аматери судии ќе судат во ВФЖЛ и ќе допринесуваат да се изгуби смислата на играта и да се демотивираат девојките?“, се вели во соопштението на ЖФК Борец.
Последното 14. коло на Втората женска фудбалска лига ќе се комплетира утре со останатите три натпревари.
