Дербито на двата поранешни прволигаши го доби Ренова, откако со 2:3 славеше над Напредок во Кичево, а во рамки на 16. коло на Трета лига – Запад.
Абдулахи постигна гол во 16. минута за 0:1 на полувреме, а потоа со втор гол во 56. минута обезбеди 0:2. Следуваа два гола за Напредок, Симјаноски и Зафироски постигнаа голови за 2:2. Но, сепак финишот понуди уште еден гол откако Ермаил Саити погоди во 96. минута за конечни 2:3 и голема победа за Ренова.
Кајмани ги собра трите бодови во Брвеница откако со 1:2 го доби тимот на Вардар. Берзати погоди по осум минути игра за 0:1, во вториот дел Јованоски израмни на 1:1. Сепак во 86. минута од мечот гостинот преку Салии дојде до конечните 1:2.
Добришти на домашен теренсо 2:1 забелеѓа победа преку пресврт на Речица, откако гостинот со голот на Зибери на полувреме имаше 0:1. Во вториот дел Илјази постигна гол за 1:1, а во 65. минута Муареми ги постави конечните 2:1.
Џепчишти во меч со пет гола беше подобар од Велазерими од Слатино (3:2). Само еден гол во првиот дел за 1:0 откако погоди Синани. Во вториот дел Садики погоди за 2:0 во 54. минута, а потоа намали Вељии на 2:1.
Сепак домашниот тим преку Азиз зголеми на 3:1, а пак Мемиши ги постави конечните 3:2.
Натпреварот меѓу лидерот Тетекс и Зајази не се одигра, бидејќи гостинот по 30 минути чекање не се појави на теренот. Ова ќе значи и службена победа за „штофарите.“
Натпреварот меѓу Дрита и Влазерими ќе се одигра на 23 април, бидејќи обилните врнежи од дожд не дозволуваа игра.
