Катастрофален натпревар на Радовиш и нов пораз откако загуби од Борец ФЛ со резултат од 31:24 во рамки на 2. коло на плеј-аутот на Суперлигата, со што пред Радовиш ќе биде се потешка мисијата за директен опстанок бидејќи тимот на Игор Котевски останува со нула бодови на своето конто, а пак Борец ФЛ и Струга имаат по три бода.
Борец ФЛ одлично го отвори натпреварот и постојано имаше предност на натпреаврот, а во 19. минута од натпреварот дојде до 10:6 за плус четири што беше највисока предност на велешани во дуелот со Радовиш. По украдена топка Черубим постигна гол за плус 5 за 11:6. Во финишот на првиот дел Борец ФЛ дојде до највисоките плус шест кога резултатот беше 15:9.
На стартот од вториот дел Миланов постигна гол од пенал за 16:9 и највисоки плус седум за домашниот тим. Во вториот дел велешани ја зголемуваа разликата кога резултатот беше 17:9, а Радовиш во второто полувреме пет минути беше без гол, а потоа Миланов го постигна својот осми гол на мечот за 18:9, со што велешани продолжија да ја полнат мрежата на Радовиш.
Домашниот голман ја спушташе ролетната во вистинско време и со тоа Борец ФЛ имаше напад за двојна предност откако беше постигнат гол за 19:9, а Радовиш беше седум минути без гол, откако Димов беше стрелец на голот за двојна предност на плус десет.
На 22:14 негатива за Радовиш, Котевски повика тајм-аут, но ништо не се промени. Борец ФЛ ја одржуваше висока предност и не му дозволуваше на противникот да дојде до ситуација да направи пресврт на самата игра.
На крај Борец ФЛ го доби мечот со 31:24 за важна победа во трката за опстанок над главниот конкурент.
Марио Миланов беше најдобар стрелец кај Борец ФЛ со 12 гола, а пак Ивица Илиев беше прво име кај Радовиш со седум гола.
