Натпреварите од одложеното 21. коло на Втората македонска фудбалска лига, добија нов датум кога истите ќе се играат. Оваа рунда беше одложена поради големата трагедија која се случи во Кочани, каде животот го загубија 59 лица, а голем број на лица се хоспитализирани во Македонија и странство.
Во рамки на 21. коло екипата на Арсими на домашен терен ќе игра со Каменица Саса, Брегалница ќе го пречека Скопје, екипата на Беласица на домашен терен ќе се соочи со Новаци. Во Радовиш соочување на Детонит Плачковица и Кожуф, дерби од дното на Борец и Осогово, а пак Вардарски оди кај лидерот Македонија ЃП.
Башкими како голем фаворит на домашен терен ќе игра со Вардар Неготино, Охрид на „Билјанини Извори“ ќе ја пречека Победа.
Натпреварите ќе започнат во 15 часот.
