Брера загуби од Силекс и се спушта во опасната зона, важни победи за Беса и Тиквеш, Воска извлече бод во финишот!

Денес беше комплетирано 24. коло на Првата лига, а истото донесе две важни победи за екипи кои се борат за опстанок во елитата.

Беса забележа важна победа на домашен терен откако го совлада шампионот Струга Трим Лум со 3:2 и тоа преку пресврт.

Стружани преку Ефионг Хоган Укпа го отворија резултатот, а потоа Шефит Шефити го израмни резултатот на 1:1. Во вториот дел Меџит Незири постигна гол за 2:1, а пак Ремзифаик Селмани погоди за 3:1. Во финишот од мечот Христијан Малески постигна гол за конечните 3:2.

Важна победа забележа и Тиквеш во тешката борба за опстанок, откако со 2:1 на домашен терен го доби Гостивар. Берат Садик во 15. минута го отвори резултатот, а во вториот дел Александар Вареловски погоди за 2:0. Во 88. минута Иван Ивановски ги постави конечните 2:1.

Александар Ристевски е херојот на Пелистер, откако постигна гол во 75. минута за победа на битолчани на Чаир против Шкупи, а победата добива на тежина бидејќи Пелистер беше без играч помалку на теренот од 69. минута откако Захар Тарасенко заработи втор жолт картон.

Брера Струмица заборави да победува, а со серијата лоши резултати во пролетниот дел тимот се спушти во опасната зона и ќе има повеќе од тешка борба за опстанок во Првата лига, откако струмичани денес на домашен терен загуби од Силекс со 0:2.

Двата гола беа постигнати во вториот дел, а прво погоди Марко Ѓорѓиевски, а потоа постигна гол и Ади Алиќ за конечни 0:2.

Воска Спорт во 94. минута постигна гол за 1:1 против Работнички и со тоа извлече важен бод во трката за титулата, а пка „романтичарите“ испуштија бодови во трката за титулата. Гандо во 14. минута го отвори резултат, а во 94. минута Клинтон ги постави конечните 1:1.

Вчера во воведниот меч Вардар одигра 1:1 против Шкендија, откако Решат Рамадани погоди во 22. минута, а само три минути подоцна Едиз Спахиу ги постави конечните 1:1.

• ЦЕЛА ТАБЕЛА ОД ПРВА ЛИГА: