Денес ќе биде отворено првото коло во Третата македонска фудбалска лига – Југозапад со натпреварот меѓу Преспа и Светлост од Кукуречани.
Со овој воведен меч ќе започне новата сезона, а во кој меч екипата на Преспа влегува како благ фаворит поради домашниот терен.
Трите бодови се императив и на двете екипи, и двете страни сакаат сезоната да ја отворат со триумф и три бодови, а со тоа да имаат успешен старт.
Ѓорѓи Лаброски од Струга ќе биде главен судија на мечот кој се игра на Градскиот стадион во Ресен. Климетн Рситовски и Јован Анѓелковски од Струга ќе бидат помошници на Лаброски.
Натпреварот ќе започне во 16 часот.
Што се однесува до првото коло, истото ќе се комплетира утре. Ланскиот шампион Кораби кој не го помина баражот за Втора лига ќе игра со Демир Хисар, во дербито на колото, Сатеска ќе игра со Света Троица 2021, ланскиот второлигаш Караорман ќе игра со Влазними, Евротип против Кравари, а пак Велешта Унитед ќе се соочи со Славеј од Мешеишта.