Четврото коло од Првата женска фудбалска лига ни го носи дербито на колото меѓу Љуботен и Каменица Саса, соочување на актуелниот шампион и вицешампион.
Големото дерби во фудбалската елита во женска конкуренција ќе се одигра во Тетово каде главен судија ќе биде Фатмир Бафто од Охрид, негови помошници ќе бидат Елена Соклевска Илиевски од Скопје и Горан Балески од Охрид. Мега дербито ќе започне во 17 часот.
Тиверија Брера на домашен терен како голем фаворит ќе го пречека тимот на Топ Гол од Битола, кој минатата сезона преку бараж се избори за опстанок во Првата лига.
Дуелот во Струмица ќе го суди Методија Костов од Велес, а мечот се игра во 12 часот.
Истатов на домашен терен ќе се соочи со Речица во дуел за први бодови во новата сезона, а на овој меч правдата ќе ја дели Вјолца Изеири од Гостивар, стартот на овој меч е во 12 часот.
Повратникот Атлетико на домашен терен ќе се соочи со екипата на Скопје во дуел каде битолскиот тим ќе ги бара против бодови во новата сезона. Овде главен судија ќе биде Јордан Јовановски од Гевгелијa. Натпреварот ќе започне во 16:30 часот.
Во рамки на 4. коло слободна ќе биде екипата на Ас Јунајтед, која требаше да игра со откажата Шкендија.
Натпреварите се играат в недела.