Вчера со два мече беше отврено 15. коло на Трета лига – Север, а кое ќе се комплетира со останатите натпревари денес.
Реми со по еден гол (1:1) на Аеродром и Пчиња, во меч каде гостинот обезбеди важен и голем бод на за нив тешкото гостување.
Гостинот преку Александар Спасовски во 44. минута го отвори резултатот за 0:1 на полувреме, а во вториот дел Андреј Алексоски во 67. минута ги постави конечните 1:1 за поделба на бодовите.
Беса од Слупчане со 4:3 забележа триумф против Фортуна и тоа преку пресврт по два гола негатива на полувреме. Мирхат Емини и Далип Саити погодија за 0:2 на полувреме.
Во Вториот дел Мерван Фетаи постигна брз гол за 1:2, а потоа со дав гола на Љавдрим Сулимани и голот на Шуајб Јашари домашниот тим дојде до пресврт и водство од 4:2. Во 70. минута Ахмет Реџеп ги постави конечните 4:3.
Денес лидерот Шкендија Арачиново на домашен терен ќе игра со Башкими Љуботен, БВК Коњаре против Куманово, Њу Старс против поранешниот второлигаш Кадино, Академиј Илинден против екс прволигаш Еуромилк ГЛ, а пак Ржаничино на домашен терен со Риниа.
