Фудбалскиот клуб Силекс објави соопштение после објавата на „Комити“ дека добиле покана од управата на кратовскиот прволигаш да бидат на стадионот и да го поддржат Вардар од трибините.
„Комити“ како гостинска навивачка група не беа пријавени од страна на управата на Вардар, а потоа „Комити“ преку соопштение информираа дека имаат договор за нивно гостување во Кратово.
Сепак, од фудбаслкиот клуб Силекс преку соопштение споделија повеќе информации.
„По разните шпекуалции и соопштенија од поединци и групи, сакаме да ја известеме јавност пред утрешниот дерби натпревар помеѓу екипите на ФК Силекс и ФК Вардар. ФК Силекс, ниту било кое официјално лице од нашиот клуб не договарано, ниту покането било кого, а посебно не навивачи ии навивачки групи на ФК Вардар. Ја користиме оваа прилика да ја поканеме управата на клубот Вардар и сите навивачи на двата клуба да дојдат и да во мирна и спортска атмосфер аго проследниме овој натпревар“, се вели во соопштението на ФК Силекс.
Натпреварот се игра утре со почеток од 14 часот во Кратово, а во рамки на 23. коло на Првата лига.
