Два порази претрпе женската репрезентација на Македонија до 19 година од селекцијата на Босна и Херцеговина. Првиот меч го загуби со 4:2, а вториот со резултат од 4:0. Овие беа два контролни натпревари што се одиграа на тренинг центарот „Петар Милошевски” во Скопје.
Во 19. минута Уна Ранкиќ погоди за предност на Босна и Херцеговина. Нина Гарибија во 33. минута ја зголеми предноста. Две минути подоцна Таснем Џинџаревиќ погоди за убедливи 3:0.
Во продолжението од натпреварот, Јована Павловска во 64. минута погоди за намалување на предноста, но Јована Лана Новаковиќ веќе во следната минута го постигна четвртиот погодок за Босна и Херцеговина. Јована Павловска во 78. минута го постигна вториот погодок на денешната средба за конечни 4:2.
На вториот контролен дуел, противникот забележа убедлив триумф од 4:0. Ѓиѓаревиќ во 50 и 60 минута на два пати стрелаше за предност од 2:0. Ѓорѓиевска во 67. минута постигна афтогол. Конечните 4:0 ги постигна Абдукиќ во 67. минута од средбата.
