Вечерва ќе биде комплетирано 12. коло на Првата футсал лига на Македонија со натпреварот меѓу Осогово и Јувентус Серава, кој се игра во Крива Паланка, а вчера се одиграа четири натпревари.
Шампионот Форца со 3:5 славеше против Кеги Моби и обезбеди нови три бодови на своето конто. Ангел Гаштев беше стрелец на еден гол, а пак Трајче Трајков беше двоен стрелец за домашниот тим.
За шампионот стрелци на погодоците беа Таулант Исмаили, Берат Рамадани, Јасир Зекири, Артан Јунузи и Зоран Левески.
Црна Река забележа убедлива победа над Железарец на гостински терен, откако Андреј Јаневски беше двоен стрелец, а по еден гол за тимот од Кавадарци постигнаа Петар Ристовски, Миле Димов и Стефан Костовски, а за гостинот единствен стрелец беше Мирко Богески.
Шкупи на домашен терен доживеа вистински потоп од Бутел со резултат од 3:11.
Сали Слиевски постигна еден гол, а пак Убејд Бериша беше двоен стрелец, додека пак за гостинот стрелаа Петри Даиловски, Давид Маџинковски, Лазаре Пеев, Владимир Трендафиловиќ, Мартин Калчев, Зоран Тасески, Никола Илијоски, Филип Јаневски и Ненад Тодоровски, а пак Салиевски си постигна автогол.
Реми на Проект и Клими од 2:2 во Гегелија во меч каде домашниот тим преку новото засилување Наум Блажевски дојде до водство од 1:0 во 7. минута, а во 13. минута Тодор Андонов си постигна автогол за 1:1 на полувреме.
Во вториот дел Давид Блажевски постигна гол за 2:1, а по две минути Мартин Никовиќ ги постави конечните 2:2.
