Екипата на Каменица Саса која во претходната сезона буквално во последното коло го избори опстанокот во Втората лига, ова сезона тимот е во една сосема друга слика. Борба за горниот дел од табелата, борба за што подобар пласман на табелата и засега на „рударите“ од Македонска Каменица им оди одлично.
Саса вчера запиша голем триумф во Радовиш против Детонит Плачковица, со резултат од 1:2 можеби резултатски тоа не е голема победа, но Саса сега е во позиција каде се проби до петтото место на табелата на осум бодови од бараж зоната. Двоен стрелец во победата на Саса беше Кристијан Чурлинов, кој имаше маестрален меч во Радовиш.
Дека за бараж Саса ќе се бори ќе биде тешко, тоа е факт, но дека тимот тргна одлично во пролетниот дел и дека сака да заврши што е можно повисоко на табелата е тоа е факт.
„Рударите“ имаат пет бодови од четвртото место каде што е Арсими, па за Саса тоа е мотив ако може да се избори и за четврто место на табелата.
Одличната игра и желбата кај фудбалерите е голема, Градскиот стадион во Македонска Каменица е суспендиран на два натпревари, претходно Саса како домаќин со Кожуф играше во Турново, а така ќе биде и против Брегалница.
Е токму штипјани се тие кои следното коло ќе играат со Саса на стадионот „Кукуш“ во Турново, каде „сините“ од Штип ќе бидат во многу неизвесна и тешка ситуација, а Саса е дополнителна мотивирана за триумф против Брегалница, особено поради поразот во Штип, каде „сините“ победија со пенал за кој Саса тогаш реагираше дека не било пенал. Како и да е „рударите“ се на добар пат за одличен резултат сезонава, со најава во следните сезони екипата да се бори за местата кои водат кон Прва лига.
- ПОГЛЕДНЕТЕ ЈА АТМОСФЕРАТА ВО РАДОВИШ И РАДОСТА КАЈ ФУДБАЛЕРИТЕ НА КАМЕНИЦА САСА:
Радоста и среќата кај фудбалерите на Каменица Саса вчера беше многу голема, а во своите редовите го имаат и вториот најдобар стрелец во лигата, тоа е Андреј Симевски со десет гола.
