Суперлигашот Радовиш гради тим со кој не само што би можел да има директен опстанок во Суперлигата, туку и да биде на повисоко место во плеј-аутот, а тоа што го најавуваше Спортска Мрежа изминатиот период се остварува.
Конечно во клубот дуваат позитивни ветриша и се создава квалитетен тим со кој Радовиш од следната сезона ќе има многу повисоки цели.
Како што најави Спортска Мрежа, ново засилување е Бразилецот Александер Антонио Сантош, кој сега клубот официјално го промовираше, а нови засилувања се и Стефан Кочаров и Петар Цветковски.
Дополнително, Спортска Мрежа го најавува и новото засилување Лазар Адамовиќ, кој доаѓа од Струга.
Како што веќе објави Спортска Мрежа, Сантош пристигна од екипата на косовскиот шампионат, Цветковски доаѓа од Бутел, а пак Кочаров од косовскиот тим Вјоса.
Претходно, тимот ги врати искусните Ивица Илиев и Славјан Паунов од Борец ФЛ, како и кружниот напаѓач Томче Трајчевски, кој пак дојде од редовите на Прилеп.
Радовиш има далеку поквалитетен тим во однос на првиот дел од сезоната и речиси сигурно е дека тимот ќе успее да го обезбеди опстанокот.
Веќе утре екипата на Радовиш ќе гостува во Велес, но тимот се подготвува за најважното а тоа е борбата во плеј-аутот.
Како што дознава Спортска Мрежа, тимот ќе биде значително засилен и со уште едно до две странски засилувања кои треба да пристигнат со што Радовиш значително го подига квалитетот во своите редови.
Младите тренери Спасе Ѓоргиев и Александар Долдуров на располагање ќе имаат квалитетен ростер на играчи, управата на клубот имаше повеќе тежок период клубот да го врати на вистинските патеки, конечно да дојдат убави денови за ракометот во Радовиш и одново Радовиш да биде стабилен суперлигаш.
