Овој викенд се играат натпреварите од 15. коло на Втората кошаркарска лига. Лидерот Соколи ќе гостува кај ланскиот прволигаш Охрид, овој меч за штипјани е важен со цел да го сочуваат првото место ќе треба да се вратат непоразени.
Борец Баскет на домашен терен како фаворит ќе го пречекат составот на МЗТ Скопје Уни Банка, а пак Маџари на домашен терен како голем фаворит ќе игра против Струмица, каде се очекува триумф за домашниот тим кој напаѓа за Прва лига.
Израмнет натпревар се очекува меѓу Мега Баскет и Водно Санс, каде домаќинот бара шестта радост, а гостинот петто сезонско славје.
Дербито на колото ќе го одиграат Ангели и Црн Дрим, директен дуел на две екипи кои се конкуренти на патот кон Првата лига, а пак Бутел ќе игра со последнопласираниот Работнички 2018, каде Бутел ќе биде фаворит.
