Општинскиот фудбалски сојуз Охрид на својата фејсбук страница во текот на вчерашниот ден објави кратко известување дека е закажано Собрание за денес, од каде велат и дека ќе пристуствуваат и претставници од ФФМ.
Но денес ФФМ излезе со соопштение, во кое се вели дека Собранието на ОФС Охрид не е закажао во согласност со Статутот на ОФС Охрид, а дополнително се вели дека ФФМ нема да има претставник на Собранието на ОФС Охрид.
„Фудбалската федерација на Македонија праќа информација дека закажаното Собрание за 19.02.2025 година на ОФС Охрид не е закажано во согласност со Статутот на ОФС Охрид во кој е утврден рок од 30 дена од денот на закажување до денот на одржување на Собранието. Имено, Управниот одбор на ОФС Охрид на седница одржана на 27.01.2025 година го закажува своето Собрание за 19.02.2025 година. Одлуката на Управниот одбор на ФФМ донесена на 27.12.2024 година не е променета, а тоа значи дека Фудбалската федерација на Македонија нема да има претставник на Собрание кое е закажано спротивно на одредбите од Статутот на Општинскиот фудбалски сојуз – Охрид“, соопштение на ФФМ.
