Во сабота ќе се одиграат натпреварите од 17. коло на Втората фудбалска лига, а ова рунда ни го носи и дербито на Југот меѓу Кожуф и „фенерџијата“ Вардарски од Богданци. Ова ќе биде натпревар и за престиж, но пред се за опстанок на Вардарски, ова ќе биде натпревар во кој Вардарски оди на се или ништо бидејќи и нема што да загуби.
Во првото пролетно коло Вардарски на домашен терен беше декласиран со 0:3 во Скопје, а дали беше само лош ден или не доволнo подготвена екипа и дали Вардарски е подготвен за опстанок ќе покаже натпреварот во сабота. Практично, пораз за Вардарски ќе значи три чекори назад во трката за директен опстанок, затоа ќе биде потребна победа со што Вардарски ќе биде сигурен за бараж, а ќе се надева барем за тоа 13-то место и директен опстанок, но и тоа ќе биде некако тешко, ако го погледнеме првиот пролетен натпревар.
Дали Вардарски е подготвен за опстанок ќе покаже мечот во сабота, а првото соочување заврши со 1:3 со триумф на Кожуф, откако Вардарски прв поведе на Градскиот стадион во Богданци, а потоа Кожуф направи комплетен пресврт.
Кожуф е во променет лик во однос на есенскиот дел, но секако по квалитет Кожуф е далеку поквалитетен тим во однос на тимот од Богданци, тоа секако е предност за домаќинот, а дополнително предност ќе биде и домашниот терен и публиката. Двете екипи имаат нови тренери, Славчо Георгиевски – Тупан е нов тренер на Кожуф, а пак Ставре Ташев е нов тренер на Вардарски. Тимот од Богданци најмногу менуваше во ростерот, а многу промени и тимот на Кожуф.
Ќе има ли второлигашки фудбал во Богданци и следната сезона откако овој мал град од Југот на Македонија чекаше 27 години за Втора лига или од следната сезона во Богданци одново ќе се гледааат натпревари од Трета лига – Исток?
