Овој викенд ќе започне новата натпреварувачка сезона 2024/2025 во Третата македонска фудбалска лига – Запад, во која ќе се натпреваруваат 13 екипи, што е повеќе во однос на ланската сезона кога беа осум екипи.
Во новата сезона ќе се натпреваруваат Љуботен, шампионот Влазерими кој не го помина баражот вторпат во низа, Дрита, Зајази, Камјани, кичевски Напредок, Речица и Џепчишти, Тетекс кој лани испадна од Втора лига, како и екипите кои доаѓаат од ОФЛ Тетово односно Влазерими од Слатино, Добришти, некогашниот прволигаш Ренова и Вардар 2022 од Брвеница.
Во рамки на првото коло Љуботен на домашен терен ќе се соочи со новајлијата Вардар 2022 од Брвеница, екс прволигашот Ренова против Доброшти, Камјани во дуел со Дрита од Боговиње, Речица ќе игра со вицешампионот Цепчишти, шампионот Влазерими ќе го пречека ланскиот второлигаш Тетекс, а пак Велазерими од Слатино против Зајази.
Во рамки на првото коло слободна ќе биде екипата на Напредок, која во минтото беше дел од Првата лига.
Тоа што е познато е дека шампионот нема директен влез во Втора лига, па така Влазерими два баражи по ред губи и не поминува за влез во Втора лига, а и во новата година шампионот ќе игра бараж за можен влез во второлигашкото друштво.