Македонскиот фудбалски третолигаш Тиверија од Струмица го прославува 102. роденден.
Струмичкиот клуб има одиграно преку 1700 официјални натпревари, постигнати преку 3600 голови, а низ клубови поминале многу струмичани како фудбалери, тренери, претседатели, спортски работници и навивачи.
Клубот е формиран во 1921 година, но сепак официјално клубот е регистриран две години подоцна односно во 1923 година под името спортски клуб Тиверија.
„Среќен роденден Тиверија наша. Иако Тиверија е „родена“ две години порано (пролетта 1921 година) сепак клубот официјално е регистран 1923 година под името Спортски Клуб Тиверија. Одиграни преку 1700 официјални натпревари, постигнати преку преку 3600 голови, клуб низ кој поминале илјадници Струмичани како фудбалери, тренери, претседатели, спортски работници и навивачи. ФК Тиверија клубот на работничката класа, клубот на струмичките занаетчии се уште живее и опстојува. Може да се купи се, но традицијата и историјата не. Струмичани викат кој разбрал, разбрал, за другите се навива Тиверија се сака“, се вели во клупското соопштение.
Тиверија моментално се натпреварува во Третата лига – Исток, а во минатото клубот беше дел и од Втората македонска фудбалска лига.
Во минатото Тиверија настапувала во Прва и Втора македонска фудбалска лига во поранешна СФРЈ. Името на клубот потекнува од старото име на градот Струмица кој во римскиот период се среќава под името Тивериопол.
Во месец ноември минатата година со одлука на Советот на општина Струмица, ФК Тиверија го доби теренот со вештачка трева „Филип Лазаревски“ во трајно користење, со што ФК Тиверија која опстајува 102 години, конечно доби свој дом.
