Прилепскиот второлигаш Победа за пролетната полусезона се засили со уште двајца играчи со кои ќе се обиди да ја зголеми конкуренцијата во своите редови и да ја оствари својата цел – опстанок во Втората македонска лига.
Нови имиња кои пристигнаа во Победа се Филип Димоски и Јасин Казимоски, кој ќе го носат дресот на поранешниот прволигаш во пролетниот дел од сезоната во Втората лига.
За Димоски е интересно тоа што тој беше промовиран во радовишки Детонит Плачковица, но тука остана кратко, беше дел од тимот само во зимските подготовки, а во „5 до 12“ од истекот на преодниот рок го напушти тим и се врати во Победа. Низ својата кариера 25 годишниот прилепчанец покрај за Победа каде е повратник има настапувано и за Охрид, Детонит Плачковица, Каменица Саса, Питу Гули, Вардар Неготино, Осогово и 11-ти октомври.
Казимоски доаѓа од редовите на охридскиот прволигаш Воска Спорт, 23-годишниот стружанец беше дел и од Новаци, Караорман, Велешта, Охрид, Велазерими, Тетекс, Ренова и Младост Царев Двор.
Победа ќе се обиде да состави тим во финишот од преодиот рок со цел да го избегне ланското сценарио кога Победа преку бараж се спаси, а сега да има директен опстанок. Пролетниот дел Победа го отвара дома против штипска Брегалница.
