Второлигашот Арсими од Чегране склопи тим со кој дефинитивно ќе атакува на местата за Прва лига. Клубот промовираше пет екстра квалитетни засилувања со кои квалитетот ќе биде значително зголемен и едноставно во пролетниот дел од Арсими ќе се очекува атак на местата за Прва лига.
Тимот се засили со Шабан Мемети, Алтин Зибери, Албан Шабани, Џезаир Авдули и Бобан Георгиев.
19-годишниот Мемети доаѓа од редовите на Башкими, а беше дел од младинските погони на Работнички и Куманово Милано.
Зибери е млад и талентиран играч кој има 18 години и кој потекнува од академијата на Шкендија од Тетово.
Мемети треба да биде вистинско освежување во тимот на Арсими, кој игра во офанзивната линија, а има настапвано и за Башкими, како и Работнички.
20-годишниот Авдули ќе биде исто така големо освежување во пролетниот дел од сезоната, кои и во минатото имаше одлични настапи за Арсими.
Најголемото засилување меѓу овие играчи е штипјанецот Бобан Георгиев кој доаѓа од редовите на прволигашот Пелистер. 28-годишникот има настапувано и за Воска Спорт, Леотар Требиње во Босна и Херцеговина, Брегланица, Борац Бања Лука во БиХ, Радник Сурдулица во Србија, Силекс и Металург.
Арсими презимува на 4. место со 29 бодови, а во пролетниот дел сигурно ќе ги напаѓа местата за Прва лига. Пролетниот дел Арсими го отвара во Струмица против Беласица.
