Охридскиот второлигаш Билјанини Извори не запира кога се во прашање трансферите за вториот дел од сезоната. Најново засилување во тимот од Охрид е младата Ева Андонова која доаѓа од прволигашот Каменица Саса.
Се работи за 18-годишна фудбалерка која своите фудбалски почетоци ги направи во Брегалница, а потоа штипјанката продолжи во Каменица Саса, каде настапуваше од јули 2023 година.
Андонова сега се сели во Билјанини Извори, тим кој покажува амбиции и сезонава ќе се бори за второто место кое води во баражот за можен влез во Првата женска фудбалска лига.
