Второлигашите Осогово и Башкими одиграа пријателски меч на Градскиот стадион во Кочани, каде тимот на Башкими преку пресврт со 1:2 беше подобар противник.
Домашниот тим преку Марио Симоски прв го отвори резултатот во 32. минута, а десет минути подоцна Фахрудин Ѓурѓевиќ постигна гол за 1:1 на полувреме. Во вториот дел од натпреварот Башкими преку Аган Алиу направи пресврт на конечните 1:2.
Стрелци за тимот од Куманово беа новите засилувања, а Башкими за пролетниот дел има за цел да обезбеди влез во Првата лига, додека пак Осогово да се избори за опстанок.
Пролетниот дел Башкими го отвара дома против Борец, а пак Осогово ќе има незгодно гостување кај Вардар Неготино, меч кој може да биде клучен за опстанок во Втората лига на кочанските „жетвари“.
