Третолигашот Слога Виница денес во Дојран одигра нов пријателски меч против второлигашот Вардар Неготино и истиот го доби со резултат од 3:1.
Екипата на Слога Виница која е предводена од штипскиот стратег Емил Грнев е сместена во СЦ „Истатов“ во Дојран, каде овој спортски комплекс нуди одлични услови за подготовки на екипите, од спортски терени, спортска сала, одлични сместувачки капацитети, одлична храна.
Двоен стрелец за тимот на Слога Виница беше Филип Николовски, а еден гол постигна Октај Амедов, додека пак за Вардар Неготино.
Слога Виница е лидер во Трета лига – Исток со седум бодови повеќе во однос на второпласираниот Овче Поле и практично во пролетиот дел ќе се прошета и ќе го потврди првото место, па затоа фокусот е ставен на баражот, натпревар кој е последна пречка за Слога Виница да се врати во Втората лига.
Слога Виница ќе одигра уште неколку пријателски натпревари до почетокот на пролетниот дел од Трета лига – Исток, а пак Вардар Неготино пролетниот дел од Втората лига го отвара дома против Осогово, а целта на клубот е обезбедување на ран опстанок и мирна завршница од сезоната.
