Третолигашот Шкенидја Арачиново одигра пријателски меч против второлигашот Победа, а на кој амбициозниот третолигаш славеше со 3:1. Стрелци за тимот на Шкендија Арачиново беа новото засилување Александар Ѓорѓиески, Христијан Димов и Руфат Чиљафи.
Шкендија Арачиново изгради одличен тим, кој го засили со квалитетни фудблери и во пролетниот дел без проблеми ќе го потврди првото место и со тоа да ја освои шампионската титула во Трета лига – Север, па веќе фокусот е ставен на баражот за Втора лига, што е главна цел на Шкеднија Арачиново, влез во Втората лига.
Од друга страна, пред Победа ќе биде одново бурна пролет, каде некогашниот прволигашот од Прилеп ќе треба да се избори за опстанок во Втората лига, но многу порано со цел да не се повтори ланската сезона, кога Победа остана во Втората лига преку совладување на шампионот на Трета лига – Север, Куманово, во баражот за опстанок во Втората лига со 2:1 на стадионот во Ѓорче.
