Теренот на стадионот „Никола Мантов“ во Кочани е во катастрофална состојба, а потврда за тоа е што не се одигра ниту натпреварот меѓу Осогово и Детонит Плачковица, кој требаше да се одигра денес, 29. јануари, но поради лошиот терен радовишкиот тим одлучи да не го одигра овој пријателски меч, сосема нормално со цел да нема повреди кај играчите на две недели пред почеток на пролетниот дел.
Ние имавме можност да го посетиме теренот токму кога овие две екипи се соочија меѓусебно во рамки на 4. коло на Втората лига, меч одигран на 25. септември 2024 година. Тогаш теренот беше исто така во лоша состојба, беше искосен само пола метар после аут лнијата и нешто повеќе околу корнер знаменцето, колку фудбалерот да може да го изведе корнерот, околу теренот тревата беше навистина голема, позади головите и околу целиот тој простор, вистински змијарник.
Секако, за тоа Спортска Мрежа има и видеа, кои се снимени на 25. септември, токму пред почетокот на мечот Осогово – Детонит Плачковица, од 4. коло на Втората лига, а од истите видеа ќе може да ја погледнете ситуацијата на самиот терен на стадионот во Кочани.
Тогаш, мечот и доцнеше, бидејќи мрежите на стадионот на неколку места беа искинати на двата гола.
Дополнително, сега е зимски период каде треба значително вложување со цел сочувување на теренот, но ако се земе предвид што теренот во септември не можел да се искоси во целост, па позади головите и околу имаше трева висока над колена, што би останало во зима?
- ВИДЕО ОД ТЕРЕНОТ НА СТАДИОНОТ „НИКОЛА МАНТОВ“ ВО КОЧАНИ НА 25. СЕПТЕМВРИ 2025 ГОДИНА:
