Ракометарите на Радовиш веќе утре ќе одиграат нов пријателски натпревар против прволигашот Младост од Богданци, што ќе биде втор контролен меч во три дена, откако вчера радовишани ја тестираа формата против Вардар Неготино.
Утрешниот пријателски натпревар ќе има и хуманитарен карактер, ќе се игра за малиот Кристијан, каде влезот ќе биде 100 денари, а собраните средства ќе биде донирани за лекување на 7-годишниот Кристијан.
„Кристијан е дете на 7 години кој нема говор носен е на повеќе иситувања кај лекари и давани му се терапии кои не му помогнаа да добие говор како последна надеж родителите и Кристијан се упатуваат кон центарот томатис во Белгија, но фамилијата не е финансиски моќна за ова лековање и затоа да му помогнеме на оваа прекрасно дете“, велат од РК Радовиш.
Натпреварот ќе започне во 19 часот, а утре покрај за ракомет во салата треба да се биде и за Кристијан, да ја покажеме хуманоста на дело.
