Македонските второлигаши имаат два викенди слободни, првиот е поради репрезентативната пауза, а вториот поради настапот на аматерската репрезентација на Македонија на турнир во Србија.
Ваквата долга пауза прави проблем за формата на второлигаши кои веќе одигруваат по еден до два пријателски натпревари, меѓутоа проблемот настапува потоа со тешкиот и густ распоред.
Прво ќе биде одиграно 5. коло, наместо четвртото, па така натпреварите од петтата рунда ќе се одиграат на 22. септември (недела), додека пак на 25. септември (среда) се играат натпреварите од 4. коло, а пак на 28. септември (сабота) се играат натпреварите од 6. коло. Ова значи три натпревари за седум дена.
РАСПОРЕД НА НАТПРЕВАРИ ВТОРА ЛИГА:
Петто коло: 22. септември – недела
Четврто коло: 25. септември – среда
Шесто коло: 28. септември сабота
Но, уште поголем проблем се прави за одредени екипи на кои им се одложува и Куп натпреварот од првото коло, па така Куп натпреварите кои се одложуваат како Победа – Гостивар, Башкими 1947 – Воска Спорт и Беласица со Македонија ЃП се одлагаат од 18. септември за 2. октомври среда.
Распоредот на Башкими, Беласица, Победа и Македонија ЃП:
22 септември (недела) меч од 5. коло Втора лига
25 септември (среда) меч од 4. коло Втора лига
28 септември (сабота) меч од 6. коло Втора лига
02 октомври (среда) меч од Купот на Македонија
06 октовмри (недела) меч од 7. коло Втора лига
19 октомври (сабота) меч од 8. коло Втора лига
Распоредот за останатите второлигаши на кои не им е одложен Куп натпреварот од првото коло:
18 септември (среда) меч од Купот на Македонија
22 септевмри (недела) меч од 5. коло Втора лига
25 септември (среда) меч од 4. коло Втора лига
28 септември (сабота) меч од 6. коло Втора лига
06 октомври (среда) меч од 7. коло Втора лига
19 октомври (недела) меч од 8. коло Втора лига
Ваквиот тежок и густ распоред на второлигашите повеќе од јасно е дека ќе влијае на формата, а оние кои не се добро кондициски подготвени за овој „маратонски распоред“ ќе имаа посериозни проблеми.
И овој викенд второлигашите ќе го искористат за да одиграат пријателски натпревар со цел одржување на формата.
Александар Ванев, Спортска Мрежа
