Денес со натпреварите од првото коло ќе започне новата натпреварувачка сезона 2024/2025 во Третата македонска фудбалска лига – Југ со 14 екипи, од кои пет новајлии.
Екипите на Башкими 2008, Обршани, Влазними Јуиор, Венец од Долни Дисан и Дреново 2016 се новитет во Трета лига – Југ за новата сезона, односно овие екипи доаѓаат од Општинските фудбалски лиги.
Превалец, Росоман и Големо Коњари во новата сезона ќе водат борба за првото место кое води во баражот за можен влез во Втората лига. Минатата сезона Превалец заврши втор, Росоман беше трет, а пак Големо Коњари финишираше на четвртото место, иако оваа екипа беше и есенски шампион, но во пролетниот дел Борец стигна до првото место и преку баражот се пласираше во Втората лига.
Во рами на 1. коло Бучин на домашен терен ќе игра против Превалец, Ултрас на домашен терен ќе се соочи со Младост од Кривогаштани, Башкими 2008 на теренот во Чашка ќе се соочи со екс второлигашот Росоман, Марена ќе игра со повратникот Обршани, дерби на двата нови третолигаши Влазними Јуниор на теренот во Мало Коњари, прилепско ќе го пречека тимот на Венец од Долни Дисан, новајлијата Дреново на теренот во Росоман ќе се соочи со Слога, а пак дерби во Крушево на Питу Гули и Големо Коњари.
Сите седум натпревари од првото коло ќе започнат во 15 часот.
Александар Ванев, Спортска Мрежа
