Прволигашот Беса од Добри Дол се засили со Јапонецот Јумеми Канда, кој доаѓа од редовите на Шкупи и ќе биде големо засилување, но и освежување за тимот кој сега е предводен од Горазд Михаилов.
30-годишникот за Шкупи одигра 17 натпревари, постигна три гола и имаше една асистенција.
„Задоволство ни е да објавиме дека постигнавме договор со јапонскиот играч за врска Јумеми Канда, кој ќе се приклучи на нашиот тим. Ние како клуб му посакуваме среќа и му посакуваме добредојде во нашето семејство“, велат од клубот.
Денес беше претставен и Шефит Шефити како ново засилување, 26-годишникот доаѓа од редовите на второлигашот Арсими.
Претходно, Шефити има настапувано за Приштина во Косово, за поранешниот прволигаш Ренова како и за Шкендија, од каде и потекнува.
