Игор Алексовски, искусниот голман и повремен репрезентативец на Македонија, ја продолжи соработката со македонскиот прволигаш Работнички и ќе остане во клубот до крајот на актуелната сезона.
29-годишниот голман, кој се приклучи на Работнички во 2022 година, претходно играше за Македонија Ѓорче Петров, Вардар, Шкупи и Ренова.
Во тековната сезона, Алексовски е прв голман на Работнички, а заедно со тимот ги одиграа сите 18 натпревари во Првата македонска фудбалска лига.
Работнички го дели првото место заедно со Силекс и Шкендија со по 37 освоени бодови, а во пролетниот дел „романтичарите“ ќе водат борба за шампионска титула и излез во Европа. Пролетниот дел Работнички го отвара против Шкупи на гостински терен.
