Прволигашот Тиквеш од Кавадарци ги промовираше голманот Филип Купанов и Рушту Јонус како нови засилувања за пролетните предизвици во Првата лига, каде Тиквеш сака директен и сигурен опстанок во Првата лига.
Првиот човек на клбот, Миле Масларков ги претстави двете нови засилувања во тимот предводен од Ѓорѓи Мојсов, со што голманот Купанов доаѓа на местото на Тасев, досегашниот прв голман на Тиквеш кој замина од клубот.
22-годишниот голман во Тиквеш доаѓа од Брера Струмица, претхдоно беше дел и од Беласица, Детонит Плачкоица и Кожуф од Гевгелија.
Јонус, кој исто така има 22 години во Тиквеш доаѓа од Вардар, а има играно и за Гостивар, Охрид, Кит Го од Пехчево, Работнички и Шкупи.
Тиквеш во пролетниот дел влегува освежен и засилен, со поголем играчки капацитет и со тоа посигурен во пролетната борба за директен и сигурен опстанок во Првата лига.
Каваречкиот тим презимува на деветтото место со 14 бодови, а пролетниот дел го отвара против лидерот Силекс во Кратово.
