Како што најави Спортска Мрежа, прволигашот Беса од Добри Дол ја официјализираше промоцијата на Горазд Михаилов за нов тренер. Искусниот стратег го замени Бобан Бабунски, кој ја напушти екипата без да одигра ниту еден натпревар или тренинг.
Михаилов претходно ја водеше Брера Струмица, а во тековната сезона беше и тренер на Вардар. Сега, неговата цел е да го спаси тимот од испаѓање од Првата лига, со оглед на тоа што Беса се наоѓа во долниот дел на табелата со само 13 бодови.
Првиот меч на Беса под водство на Михаилов ќе биде на 16. февруари против Воска Спорт во Охрид, всушност тоа ќе биде дерби за опстанок.
