Најавите на Спортска Мрежа се остваруваат, амбициозниот третолигаш Слога Виница го промовираше Антонио Столевски како нов голман, кој во Виница доаѓа од прилепскиот второлигаш Победа.
22-годишниот голман покрај за Победа, има настапувано и за Брегалница, Велешта и Караорман и ќе биде големо засилување на голманската позиција во тимот предводен од штипскиот стартег Емил Грнев.
Тимот претходно се засили со Иван Настевски, Тони Мирчевски, Дарко Стојанов, Љупче Христовски и Филип Николовски. Во пролетниот дел Слога Виница без проблеми ќе го потврди првото место, па фокусот веќе ќе биде кон баражот за влез во Втората лига, што е главна цел на клубот од Виница.
