Како што ексклузивно дознава Спортска Мрежа, по промоцијата на повратниците Филип Димоски и Јовица Радевски, во Детонит Плачковица според нашите информации доаѓаат уште три големи засилувања. Станува збор за Давид Јошески, Дамјан Масевски и Филип Манасиевски.
22-годишниот Јошески во Детонит Плачковица доаѓа од прилепска Победа од каде и потекнува, а настапуваше и за битолски Пелистер и струшки Караорман.
Масевски, кој има 23 години во радовишкиот тим доаѓа од прволигашот Пелистер, тој потекнува од Работнички, а има настапувано и за Кадино, Тетекс, Силекс, Охрид и последно Пелистер.
Манасиевски во Детонит Плачковица доаѓа од редовите на Кожуф од Гевгелија, тој има 23 години, а има настапувано и за Борец, Осогово и Вардар од каде и потекнува.
Шефот на стручниот штаб на Детонит Плачковица, Горан Здравков, в четврток ќе означи старт на подготовките за пролетната полусезона.
