Ракомет

Станојоски: Подготвени сме за жестока борба со Радовиш, сакаме нова победа – нашата цел е директен пласман во Суперлигата!

Сподели
Сподели

Македонија ЃП продолжува со одличните натпревари во Првата ракометна лига, „дробилицата“ во претходното коло го доби ланскиот суперлигаш Пролет, а сега се подготвува за нов двобој и тоа одново против лански суперлигаш, тимот на Радовиш.

Пред натпреварот со радовишани, разгоравме со Марко Станојоски, кој за Спортска Мрежа истакна дека атмосферата е одлична, дополнува дека ги радуваат одличните партии против конкурентите Драчево Јуниор, Вардар Неготино и Пролет.

„Атмосферата во екипата е одлична, особено не радуваат одличните партии против Драчево, Вардар Неготино и Пролет.
Во иднина ќе бидеме високо мотивирани да го победиме секој противник до крајот на оваа натпреварувачка сезона со цел да го освоиме првото место и да обезбедиме директен пласман во Супер лига“, вели Марко Станојоски за Спортска Мрежа.

Ракометарот на Македонија ЃП вели дека против Радовиш очекува тежок натпревар дополнувајќи дека противникот има искусни играчи со суперлигашко искуство, притоа како што рече, ќе се обидат да ги запрат со многу силен ангажман во одбраната.



„Мечот ќе биде тежок и ние сме максимално подготвени за жестока борба. Радовиш имаат искусни играчи со суперлигашко искуство и ние ќе се обидеме да ги запреме со многу силен ангажман во одбрана. Доколку ја спроведеме подготвената тактика сигурно ќе дојдеме до нова вредна победа и два нови бода со кои ќе се приклучиме кон екипите кои имаат највисоки амбиции во Првата лига“, дополнува Станојоски.

Радовиш по тешкиот пораз од лидерот Вардар Неготино од 39:26 го очекува гостувањето кај Македонија ЃП.

Натпреварот се игра во СУГС „Кочо Рацин“, в недела од 16 часот.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

Станојоски: Подготвени сме за жестока борба со Радовиш, сакаме нова победа – нашата цел е директен пласман во Суперлигата!

Македонија ЃП продолжува со одличните натпревари во Првата ракометна лига, „дробилицата“ во претходното коло го доби ланскиот суперлигаш Пролет, а сега се подготвува...

Ракомет

Нацев: Секој натпревар го играме како дерби, така ќе биде и против Радовиш – не нè интересира бараж, нашата цел е првото место!

Екипата на Македонија ЃП по големата победа над суперлигашот Пролет од 30:40 се подготвува за дуел со уште еден лански суперлигаш – домашен...

Поврзани написи
Ракомет

Јошида: „Одиме на победа во двата натпревари пред нашата публика“

ГРК Охрид со висока самодоверба го очекува европскиот предизвик против Драгунас Клаипеда....

Ракомет

Битола слави голема победа – Еурофарм Пелистер со неверојатен пресврт го урна германски Гумерсбах!

Битола вечерва повторно ја почувствува магијата на големите европски ракометни вечери! Еурофарм...

✕
error: Содржина е заштитена! Се забранува копирање на истата!